Antecedentes:
Por Resolución do director da Axencia Galega de Infraestruturas de 2/08/2021 aprobouse provisionalmente o proxecto de construción: mellora da OU-402. 1ª fase. Treito: pp.qq. 30+720-32+180, de clave: OU/19/025.06.
A actuación proxectada consiste na mellora do trazado e acondicionamento da estrada OU-402, entre a intersección coa estrada provincial OU-0305 (acceso a Ribadavia) e a entrada á poboación de Arnoia, nunha lonxitude aproximada de 1,65 km correspondentes ao treito comprendido entre o p.q. 30+500 e 32+150. Deste modo, os traballos previstos serán as seguintes: mellora do trazado da estrada e reforzo do firme, construción dun espazo peonil e dunha gabia transitable e mellora da drenaxe transversal existente e da sinalización viaria e barreiras de seguridade.
Considerando todo o exposto e o establecido na normativa vixente,
Resolvo:
Primeiro. De acordo co establecido no artigo 21.1 da Lei 8/2013, do 28 de xuño, de estradas de Galicia, e no artigo 50 do Decreto 66/2016, do 26 de maio, polo que se aproba o Regulamento xeral de estradas de Galicia, o mencionado documento sométese ao trámite de información pública durante un período de trinta (30) días hábiles, contados a partir do seguinte ao da publicación deste anuncio no Diario Oficial Galicia, para que as persoas que o consideren oportuno poidan formular por escrito, ante a Axencia Galega de Infraestruturas, as observacións que crean convenientes relativas á concepción global do trazado deseñado.
Segundo. Que simultaneamente ao trámite sinalado no parágrafo anterior, e para os efectos previstos no artigo 56.1 do Decreto do 26 de abril de 1957, polo que se aproba o Regulamento de expropiación forzosa, sométese a información pública a relación individual de bens, dereitos e propietarios afectados pola realización da obra correspondente, para que os afectados presenten cantas alegacións ou rectificacións consideren convenientes en canto aos bens e dereitos descritos na relación anexa.
Terceiro. Do mesmo xeito, sométese o presente proxecto a información pública aos efectos do establecido no Real decreto 849/1986, do 11 de abril, polo que se aproba o Regulamento do dominio público hidráulico, en relación coa protección do dominio público hidráulico e coas actuacións neste ou na súa zona de policía.
Cuarto. A exposición ao público, para os efectos da presente resolución, realízase na Axencia Galega de Infraestruturas (San Caetano, s/n, 15781 Santiago de Compostela), no Servizo de Infraestruturas de Ourense (rúa Sáenz Díez, 1, 32071 Ourense), e na Casa do Concello de Arnoia (Otero Cruz, 14, 32417 Arnoia, Ourense). Así mesmo na páxina web da Consellería de Infraestruturas e Mobilidade, (https://infraestruturasemobilidade.xunta.gal/organizacion/c/CIV_Axencia_Galega_de_Infraestruturas), atópase á disposición dos interesados o proxecto de construción.
Santiago Compostela, 2 de agosto de 2021
Francisco Menéndez Iglesias
Director da Axencia Galega de Infraestruturas